काठमाडौं महानगरको कलसेन्टर आजदेखि सञ्चालनमा,गुनासो राख्न कुन नम्बरमा फोन गर्ने?

खबर मुकाम
२०७९ जेठ २३ सोमबार

खबरमुकाम। आजदेखि काठमाडौँ महानगरपालिकाको कल सेन्टर (गुनासो व्यवस्थापन तथा सोधपुछ केन्द्र) सञ्चालनमा आएको छ। नवनिर्वाचित जनप्रतिनिधिले पदबहाली गरेपछि जेठ १६ गते बसेको पहिलो कार्यपालिका बैठकले ७ दिनभित्र कल सेन्टर सञ्चालन गर्ने निर्णय गरेको थियो र उक्त निर्णय कार्यान्वयन गर्दै आजदेखि राष्ट्रिय सभा गृहमा सो केन्द्र सञ्चालन गरिएको हो।

‘महानगर के गर्दैछ? जनताले सोध्न पाउनुपर्छ’ भन्दै,महानगरलाई उत्तरदायी स्थानीय सरकारका रुपमा स्थापित गर्न नागरिकका गुनासा सुन्ने प्रणाली विकास गरिएको महानगरका प्रमुख बालेन्द्र शाह (बालेन) ले बताएका छन्।