Dark

५९ प्रतिशत घट्यो जानकी फाइनान्सको नाफा

खबरमुकाम । जानकी फाइनान्स कम्पनी लिमिटेडले चालू आर्थिक वर्ष (आव) को दोस्रो त्रैमाससम्म गत वर्षको तुलनामा ५९ प्रतिशत कम खुद नाफा गरेको छ । 

गत वर्षको दोस्रो त्रैमाससम्म रू. ३ करोड ५५ लाखभन्दा बढी खुद नाफा गरेको कम्पनीले यस वर्ष रू. १ करोड ४५ लाखभन्दा बढी मात्र यो नाफा गरेको हो । 

यस वर्ष कम्पनीको इम्पेरमेन्ट चार्ज ९० प्रतिशतले बढेकाले सञ्चालन नाफा करिब ५८ प्रतिशत कम भई खुद नाफा घट्न पुगेको हो । गत वर्ष रू. ४ करोड २७ लाखभन्दा बढी सञ्चालन नाफा गरेको कम्पनीले यस वर्ष रू. १ करोड ७९ लाखभन्दा बढी मात्र यो नाफा गरेको हो । 

गत वर्ष रू. ३ करोड ३२ लाखभन्दा बढी रहेको इम्पेरमेन्ट चार्ज यस वर्ष रू. ६ करोड ३१ लाखभन्दा बढी रहेको छ ।

१५ प्रतिशत बोनस शेयर मार्फत पूँजी बढाएर रू. ६९ करोड ४ लाख ७२ हजार पुर्याएको कम्पनीको रिटेन्ड अर्निग रू. ४ करोड ९७ लाखभन्दा बढी रहेको छ । कम्पनीको जगेडा कोष रकम भने रू. २० करोड ५१ लाखभन्दा बढी छ । 

यो ६ महिनामा कम्पनीले रू। ३ अर्ब ३६ करोडभन्दा बढी निक्षेप संकलन गरेको छ भने रू. २ अर्ब ८३ करोडभन्दा बढी कर्जा प्रवाह गरेको छ । गत वर्ष ५ दशमलव ३१ प्रतिशत रहेको निष्क्रिय कर्जा अनुपात यस वर्ष बढेर ११ दशमलव १८ प्रतिशत पुगेको छ । 

दोस्रो त्रैमाससम्म प्रतिशेयर आम्दानी रू. ५ दशमलव शून्य ७ रहेको कम्पनीको प्रतिशेयर नेटवर्थ रू. १३६ दशमलव ९२ रहेको छ ।

यो खबर पढेर तपाईलाई कस्तो महसुस भयो ?

Love
0 %
WOW
0 %
 Like
0 %
Laugh
0 %
Sad
0 %
Angry
0 %

छुटाउनुभयो कि?

सबै