ओखलढुंगाबाट काठमाडौँ प्रस्थान गरेको बस सिन्धुलीमा दुर्घटना हुँदा ५ को मृत्यु, २४ यात्रु घाइते

ओखलढुंगाबाट काठमाडौँ आउँदै गरेको बस आज बिहान सिन्धुलीमा दुर्घटना हुँदा ५ जनाको मृत्यु भएको छ भने २४ जना घाइते भएका छन् ।

सिन्धुली जिल्ला प्रहरी कार्यालयले दिएको जानकारीअनुसार अहिले उद्धार जारी छ । मृतक तथा घाइतेको नाम खुल्न बाँकि रहेको छ ।

बा २ ख ६५९६ नम्बरको बसर बिहान सिन्धुलीको फिक्कल गाउँपालिका वडा नम्बर ४ मा कुहिभिर भन्ने ठाउँमा आज बिहान दुर्घटना भएको हो ।

हालसम्म उक्त बसमा जम्मा २९ यात्रु रहेको बुझिएको प्रहरीले जानकारी दिएको छ। सडकको भित्तामा ठोक्किएर बस दुर्घटनामा परेको हो।

दुर्घटनाको विस्तृत विवरण आउन बाँकी छ।

0 %