डाक्टरले गर्भमै गरे बच्चाको मुटुको शल्यक्रिया, सुइको मद्दतले ९० मिनेटमै खोले अंगूर जत्रो सानो मुटु

खबर मुकाम
२०७९ चैत ०१ बुधबार

भारतमा डाक्टरले गर्भमा रहेको बच्चाको अंगूर जत्रो मुटुको सफल शल्यक्रिया गरेका छन् । डाक्टरले बलुन डाइलेशन सर्जरी गरेर बच्चाको मुटुको बन्द भल्भ खोलेका हुन् । यो शल्यक्रियाका लागि डाक्टरहरुलाई केवल ९० सेकेन्ड मात्रै लागेको थियो । हाल आमा र बच्चा दुवै सुरक्षित छन् ।
शल्यक्रिया एआईआईएमएसको कार्डियोथोरासिक साइन्स सेन्टरमा गरिएको थियो । एआईआईएमएसका डाक्टरको टोलीले यो प्रक्रिया पूरा गरेका हुन् । अब टोलीले बच्चाको मुटुको कोठाको वृद्धिको निगरानी गरिरहेका छन् ।

महिलाको पछिल्ला तीन गर्भ असफल, गर्भमा बच्चालाई मुटुको समस्या

२८ वर्षकी महिलालाई अस्पतालमा भर्ना गरिएको थियो । महिलाको तीन गर्भ तुहिएको थियो । डाक्टरले महिलाको मुटुको अवस्थाको बारेमा बताएका थिए र यसलाई सुधार गर्न शल्यक्रियाको सल्लाह दिएका थिए । यसलाई महिला र उनका पतीले स्वीकार गरे ।
जब बच्चा आमाको गर्भमा हुन्छ, तब केही गंभीर तरिकाको मुटु रोग पत्ता लगाउन सकिन्छ । यदि यसलाई गर्भमै उपचार गरेर ठीक पार्ने हो भने बच्चा स्वस्थ रहने सम्भावना बढ्छ र बच्चाको सामान्य विकास हुन्छ । एजेन्सी