ट्रम्पद्वारा आफ्ना वकिलमाथि ६५ अर्बको मुद्दा दायर

खबरमुकाम
२०७९ चैत ३० बिहीबार

खबरमुकाम । अमेरिकाका पूर्व राष्ट्रपति डोनाल्ड ट्रम्पले आफ्ना पूर्व वकिल माइकल कोहेनविरुद्ध ५० करोड डलर (६५ अर्ब नेपाली रुपैयाँ) को मुद्दा दायर गरेका छन् ।
कोहेनमाथि आफ्ना क्लाइन्टको विश्वास तोडेको र ‘द ट्रम्प अर्गनाइजेसन’ सँगको गोप्य सम्झौता उल्लङ्घन गरेको आरोप लगाइएको छ ।

ट्रम्पकाअनुसार कोहेनले आफ्नो क्लाइन्टको हितमा काम गर्नु पर्ने वकिलको कर्तव्य विपरित काम गरे ।
कोहेनका प्रवक्ता तथा वकिल ल्यानी डेभिसले बीबीसीसँगको कुराकानीमा भने, ‘म आफ्ना क्लाइन्ट विरुद्धको मुद्दा असफल हुनेमा विश्वस्त छु ।’
वास्तवमा, कोहेन पूर्व राष्ट्रपति ट्रम्पविरुद्ध लागेको पोर्न स्टार मुद्दामा मुख्य साक्षी हुन् । कोहेनले जुरीका अगाडि यस्ता थुप्रै जानकारी दिए, जसको आधारमा ट्रम्पविरुद्ध न्यूयोर्कको म्यानहट्टन अदालतमा ३४ वटा आरोप लगाइयो ।