जनताको भावना बुझ्ने...

खबरमुकाम
२०८० वैशाख ०३ आइतबार

जनताको भावना बुझ्ने सरकार छैन
लाग्छ गरिब मजदुरलाई पसिना पुछ्ने समय छैन
गाउँमा खानेपानी पुगेको छैन
लाग्छ गरिबको लागि कुनै योजना छैन

गरिबको जिन्दगी अभावै अभावमा हुन्छ
गरिबिले अभावै अभावमा बाचेको हुन्छ
भोक, शोक र रोगले परलोक हुनेका जिन्दगीका व्यथा
कतै औषधि नपाएर मर्ने स्थितिमा पुगेका कथा

पैसा कमाउन अरबको खाडीमा पुगेको छ छोरो
घर कहिले आउँछ छोरो मन रुन्छ धुरुधुरु
देशमा धेरै परिवर्तन भए पनि गरिबको स्थितिमा परिवर्तन भएन
नारा मात्र लगाए गरिबी कहिले फेरिएन

दुई छाक खानलाई साना बालकले पनि गिट्टी कुट्नु पर्‍या छ
ऋणमाथि ऋण थपिँदै जाँदा गरिबीमा बाच्न गाह्रो भएको छ
पीडाले छटपटिएको गरिबले सिटामोल कहिले पाउनेछ
हरेक दिन गरिबी र अभावका सँगै सङ्घर्ष गर्दै जानुपर्छ

-गोविन्द राज ओझा