कर्मचारी आवश्यकताको नक्कली सूचनादेखि सतर्क गराउँदै टेलिकम

खबरमुकाम
२०८० जेठ १० बुधबार

खबरमुकाम । नेपाल टेलिकमका विभिन्न शाखाहरुको लागि कर्मचारी आवश्यकता चाहिएको नक्कली सूचना प्रवाह भएको पाएपछि नेपाल टेलिकमले सम्पूर्णलाई सतर्क गराउँदै विज्ञप्ती जारी गरेको छ।

विज्ञप्तीमा यस्तो रहेको छः

केही दिन यता ‘नेपाल टेलिकमका विभिन्न शाखाहरुमा काम गर्न भ्याकेन्सी खोलिएको’ भनेर कम्पनीका पदाधिकारीहरुको नाम समेत जोडी विभिन्न फेसबुक ग्रुप र म्यासेन्जर तथा ह्वाट्सएप लगायतका सामाजिक सञ्जालमार्फत गलत सूचना प्रवाह भएको सम्बन्धमा कम्पनीको गम्भीर ध्यानाकर्षण भएको छ ।

कर्मचारी आवश्यकता सम्बन्धी सूचना कम्पनीले राष्ट्रिय दैनिक गोरखापत्र तथा कम्पनीको वेबसाइटमा मात्र आधिकारिक रुपमा सार्वजनिक गर्ने गरेकोले यस प्रकारका गलत सूचनाको भ्रममा नपरी आधिकारिक माध्यमबाट सम्प्रेषित सूचनालाई मात्र ग्रहण गरिदिनु हुन हार्दिक अनुरोध गरिन्छ ।