काठमाडौं । राष्ट्रियसभा निर्वाचन अन्तर्गत कोशी प्रदेशमा सत्ता गठबन्धनको उम्मेदवार रहेका नेपाली कांग्रेसका कृष्णप्रसाद सिटौला विजयी भएका छन् । उनले नेकपा एमाले र राप्रपाका संयुक्त उम्मेदवार उद्धव पौडेललाई हराउँदै राष्ट्रियसभाको यात्रा पक्का गरेका हुन् ।

प्रदेशसभाको मतगणनामा राप्रपाका पौडेलसँग पछि परेका सिटौला स्थानीय तहतर्फको मत तानेर विजयी भएका छन् ।

सिटौलाको पक्षमा स्थानीय तहतर्फको १५८ मतभार र पौडेलको पक्षमा १०९ मतभार परेको छ ।

यसमा स्थानीय तहतर्फ एमालेका केही मतदाताको पनि मत सिटौलालाई गएको बताइएको छ । प्रदेशसभाका सदस्यहरुको मतगणना सकिँदासम्म भने सिटौला पछि परेका थिए ।