काठमाडौं । फ्रान्स फिफा विश्वकप २०२६ को क्वार्टरफाइनलमा प्रवेश गरेको छ । आइतबार बिहान सम्पन्न अन्तिम १६ को खेलमा पाराग्वेलाई १–० गोलअन्तरले पराजित गर्दै फ्रान्सले अन्तिम आठमा स्थान सुरक्षित गरेको हो ।

फिलाडेल्फियामा भएको प्रतिस्पर्धात्मक खेलमा पहिलो हाफ गोलरहित बराबरीमा सकिएको थियो । खेलको ७०औँ मिनेटमा कप्तान किलियन एम्बाप्पेले पेनाल्टीमार्फत गरेको गोल नै फ्रान्सको जितको आधार बन्यो ।

त्यसपछि पाराग्वेले बराबरी गोलका लागि दबाब बनाए पनि फ्रान्सले आफ्नो अग्रता जोगाउँदै क्वार्टरफाइनलको यात्रा तय गर्‍यो ।

अब फ्रान्सले क्वार्टरफाइनलमा मोरक्कोसँग प्रतिस्पर्धा गर्नेछ । मोरक्कोले यसअघि आयोजक क्यानडालाई ३–० ले पराजित गर्दै अन्तिम आठमा स्थान बनाएको थियो ।