काठमाडौँ । तेह्रथुमको फेदाप गाउँपालिकाको इसीबु र सम्दुको सिमानामा रहेको ह्यात्रुङ झरना नेपालको सबैभन्दा अग्लो मध्ये एक र कोशी प्रदेशकै अग्लो झरना मानिन्छ । यसको उचाई ३ सय ६५ मिटर अग्लो छ । सदरमुकाम मैलुङ बजारदेखि लगभग १ दिन पैदल हिँडे पश्चात यो झरना पुग्न सकिन्छ । सप्तरङ्गी इन्द्रेणी झै देखिने यो झरनाको पानी सिमलको भुवा उडेझैँ गरी माथिबाट बेगले तल झरेको देखिन्छ।

झरना हेर्नका लागि नेपालका विभिन्न स्थानाबाट आन्तरिक पर्यटकहरू र भारत तथा अन्य मुलुकका बाह्य पर्यटकको चाप बढ्दै गइरहेको छ । हिउँदको समयमा कम पानी हुने भएपनी वर्षातको समयमा झरनामा पानीको मात्रा बढेपछि स्थानीय पर्यटकलाई यसले झन थप आकर्षण गर्दछ । 

जिल्लाको फेदाप गाउँपालिकामा रहेको झरनाको प्राकृतिक वातावरणमा रमाउन, झरनाबाट झरेको पानीको छाँगामा रुज्न, खेल्न र हेर्न विभिन्न जिल्लाबाट दैनिक २०० बढी आन्तरिक पर्यटक आउने गरेको तथ्याङ्क छ ।

प्राकृतिक झरनाले पर्यटकलाई आकर्षण गरे पनि झरना वरिपरि पर्यटकीय पूर्वाधार र संरचना निर्माण तथा पर्याप्त प्रवर्द्धनमा सम्बन्धित निकायले चासो नदिएको र ग्रामीण सडकको स्तरोन्नति नहुँदा झरनासम्म पुग्न कठिनाई र फेदाप गाउँपालिकाबाट पदैल यात्रा गर्नुपर्छ ।

तेह्रथुम सदरमुकाम म्याङ्लुङ र आठराई संक्रान्ती बजार प्रवेश गर्ने जो कोहीलाई पनि यो झरनाले आकर्षित गर्छ । झरनामा तेह्रथुम, पाँचथर, ताप्लेजुङ, धनकुटा, झापालगायत ठाउँबाट मनोरञ्जनका लागि आन्तरिक पर्यटक आउने गर्दछन् ।