काठमाडौं । राष्ट्रिय स्वतन्त्र पार्टी (रास्वपा)को महाधिवेशन तोकिएको समयमा सम्पन्न हुन नसक्दा त्यसको असर संसदमा परेको छ । असार १० गते सम्पन्न गर्ने कार्यतालिकासहित महाधिवेशनमा होमिएको रास्वपाले आजसम्म पनि निर्वाचन प्रक्रिया नसक्दा त्यसको असर प्रतिनिधिसभामा परेको हो । 

प्रतिनिधिसभामा करीब दुई तिहाइको संख्यामा उपस्थिति रहेको रास्वपाको महाधिवेशन लम्बिदै जाँदा आजका लागि बोलाइएको प्रतिनिधिसभाको बैठक सूचना टाँसेर स्थगित गरिएको छ । आज बिहान ११ बजेका लागि बोलाइएको प्रतिनिधिसभाको बैठक शुक्रवार दिउँसो १ बजे बस्नेगरी स्थगित गरिएको हो । 

सत्तारुढ दल रास्वपाको महाधिवेशनलाई केन्द्रित गरेर ६ दिन बैठक पछिलाई राखिएको थियो । तर रास्वपाको जारी महाधिवेशन लम्बिएपछि शुक्रवारलाई सारिएको हो। सिंगो मन्त्रिपरिषद्सहित रास्वपाका सांसदहरू अहिले चितवनमै छन् ।