काठमाडौं । नेपाली कांग्रेसका नेता तथा पूर्वगृहमन्त्री बालकृष्ण खाणसँग सम्पत्ति शुद्धीकरण विभागले धरौटी माग गरेको छ । 

नक्कली भुटानी शरणार्थी प्रकरणको अभियोग लागेका उनलाई विभागले १५ लाख रुपैयाँ धरौटी माग गरेको हो । बिहीबार उच्च अदालत पाटनले ३० लाख धरौटीमा छोड्न आदेश दिएका खाणसँग विभागले पनि १५ लाख रुपैयाँ धरौटी माग गरेको हो ।

विभागले मागेको धरौटी खाणले बुझाएका छन् । विभागमा खाणले धरौटी बुझाएलगत्तै उनलाई अख्तियार दुरुपयोग अनुसन्धान आयोग लगिएको छ । नक्कली भुटानी शरणार्थी प्रकरणका आरोपी खाणलाई बिहीबार उच्च अदालत पाटनले ३० लाख रुपैयाँ धरौटीमा छाड्न आदेश दिएको थियो ।

खाणमाथि सम्पत्ति शुद्धीकरण विभाग र अख्तियारले पनि अनुसन्धान गरिरहेको छ ।