काठमाडौं । जनता समाजवादी पार्टी (जसपा) नेपाल तराई थरुहट राष्ट्रिय समिति (लुम्बिनी प्रदेश) मा सदस्यहरु मनोनीत भएका छन् । बुधबार बसेको बैठकले उपाध्यक्ष गुलाम हुसेन हलवाई तथा सदस्यहरुमा ललिमा मल्ल, नयेन्द्र धिताल, मञ्जु रिजाल, विवेक मिश्र, प्रज्वल चौधरी, सफिक अहमद सिद्दिकी गुड्डु, तरुन्नुम बानो, भरतलाल चौधरी र ओम भगत चौधरीलाई समितिमा मनोनयन गरिएको हो ।

त्यस्तै, मंसिर १९ गतेदेखि तालिम समितिको बैठक बोलाउने, योजना समितिमा सहभागी प्रतिनिधिको नाम छनोट, सदस्यको मासिक शुल्क निर्धारण र मातहतका जिल्लाको भेला यथाशीघ्र गर्ने निर्णय भएको लुम्बिनी प्रदेश समितिले जानकारी दिएको छ ।