ट्रेन्डिङ
खबरमुकाम
मुकाम डेस्क । नेकपा (एकीकृत समाजवादी)को महाधिवेशन सार्न पार्टीका नेताहरू सहमत भएका छन् । सोमवार केन्द्रीय कार्यालय, काठमाडौंमा शुरू भएको ६९ औँ सचिवालय बैठकमा नेताहरू महाधिवेशन सार्न सहमत भएका हुन् ।
जाजरकोट भूकम्पका पीडितहरूको पुनर्स्थापना र राष्ट्रियसभा निर्वाचनमा लाग्नुपर्ने भएकाले महाधिवेशन सार्न नेताहरू सहमत भएको बैठकपछि प्रचार विभाग प्रमुख जगन्नाथ खतिवडाले बताए ।
नयाँ मितिबारे भने आज निर्णय हुनेछ । ‘महाधिवेशन सार्न सबै नेता सहमत हुनुभयो । मितिबारे मंगलवार निर्णय हुनेछ,’ उनले भने ।
यसअघि एकीकृत समाजवादीले आगामी १४–१८ माघका लागि महाधिवेशनको मिति तय गरेको थियो । आगामी माघमा हुन गइरहेको राष्ट्रियसभा निर्वाचनमा दल दर्ता गर्ने एकमात्र निर्णय सोमवारको बैठकले गरेको उनले बताए ।
खतिवडाले महाधिवेशनको विषयलाई लिएर पार्टी अध्यक्ष माधवकुमार नेपाल र सम्मानित नेता झलनाथ खनालबीच कुनै विमति नरहेको स्पष्ट पारे ।
एकीकृत समाजवादीको मंगलवार बिहान ११ बजेबाट फेरि बैठक बस्नेछ ।
यो खबर पढेर तपाईलाई कस्तो महसुस भयो ?
ताजा उपडेट
- ओरालो लागेको मृग बने मास्टर सेफ सन्तोषः नियत खराब थिएन नियति खराब भइदियो
- ललितपुरमा गोली चल्योः तीन जना लागुऔषध तस्कर पक्राउ
- राजनीतिलाई सेवाको प्रतीकका रुपमा रुपान्तरण गर्नुपर्छः गगन थापा
- रास्वपा लुम्बिनीको सभापतिमा शालिकराम घिमिरे निर्वाचित
- रास्वपाको उदय अस्थिर राजनीति र भूराजनीतिक चलखेलको परिणाम हो : एमाले
- अमेरिका–इरान युद्ध अन्त्यतर्फ, सम्झौतामा हस्ताक्षरको तयारी
- विश्वकपमा स्कटल्यान्डको विजयी सुरुआत, समूह ‘सी’को शीर्ष स्थानमा उक्लियो
- चीन भ्रमणमा निस्कँदै परराष्ट्रमन्त्री, कूटनीतिक भेटघाटमा केन्द्रित रहने
