काठमाडौँ । देशभरिको तापक्रम घट्नेक्रममा रहेकाले चिसोबाट बच्न आवश्यक शतर्कता अपनाउन जल तथा मौसम विज्ञान विभाग, मौसम पूर्वानुमान महाशाखाले अनुरोध गरेको छ ।
महाशाखाका मौसमविद् सरोज पुडासैनीले हाल नेपालमा उल्लेखनीय मौसमी प्रणाली नरहेपनि चिसो बढिरहेकाले आवश्यक शर्तकता अपनाउन सबैमा अनुरोध गरेका छन् । अहिले देशको पहाडी भू–भागमा आंशिक बदली रहेको छ भने तराई क्षेत्रमा मौसम सामान्यतया सफा रहेको महाशाखाले उल्लेख गरेको छ ।
“पश्चिमी वायुको आंशिक प्रभाव छ । केही दिनलाई ठूलो मौसमी प्रणालीको प्रभाव छैन”, मौसमविद् पुडासैनीले भने । आज कोशी, वाग्मती र गण्डकी प्रदेशको पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने महाशाखाले पूर्वानुमान गरेको छ । रातिको समयमा पनि कोशी र गण्डकी प्रदेशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहनेछ ।
महाशाखाको विवरणमा बिहान तराईका विराटनगर, जनकपुर र भैरहवामा बाक्लो हुस्सु÷कुइरो लागेको थियो । आज काठमाडौँको न्यूनतम तापक्रम पाँच दशमलव चार र अधिकतम तापक्रम १८ डिग्रिसेल्सियस रहेको छ । तापक्रम घटेकाले काठमाडौँमा अत्याधिक चिसो बढेको छ ।
दिउँसो घाम लागेपनि बिहान र बेलुका बढी जाडो महसुस गरिएको छ । सबैभन्दा कम जुम्लामा माइनस दुई दशमलव आठ डिग्रिसेल्सियस तापक्रम मापन गरिएको महाशाले उल्लेख गरेको छ ।
यो खबर पढेर तपाईलाई कस्तो महसुस भयो ?
ताजा उपडेट
- महभिर झरना संरक्षण गरी दिगो पर्यटकीय गन्तव्य बनाउन पूर्वाधार विकास
- पर्यटक लोभ्याउने तिनजुरे मिल्के जलजलेको प्रकृति र सानो पाथीभरा मन्दिरको संस्कृति
- ‘न्यूयोर्क टाइम्स’ को सन् २०२४ मा घुम्नैपर्ने विश्वका २३ स्थानको सूचीमा मुस्ताङः कति पर्यटक पुगे ?
- मर्स्याङ्दी जलाशयमा वैशाख २ गतेदेखि मोटरबोट सञ्चालनमाः कति समय चढ्ने, कति लाग्छ शुल्क ?
- मातृभूमि जोगाउन ‘भृकुटी’ले दिएको सन्देश
- रेसुङ्गालाई आन्तरिक तथा बाह्य पर्यटनको केन्द्र बनाउने नगरपालिकाको तयारी
- धार्मिक तथा प्राकृतिक सम्पदाले भरिपूर्ण अमृत भूमि रेसुङ्गा (फोटो फिचर)
- बीमकहरूका परिपालन अधिकृतहरूसँग छलफल एवम् अन्तरक्रिया