काठमाडौं । क्रिकेटर सन्दीप लामिछाने विरुद्धको मुद्धाको अन्तिम सुनुवाइ आज पनि हुने भएको छ । गएको आइतबारदेखि जारी सुनुवाइले आज पनि निरन्तरता पाउने भएको हो ।

बिहीबार निरन्तर पेशीमा राखिएको किशोरीमाथि जबरजस्ती करणी मुद्धाको सुनुवाइ गर्ने क्रममा बिह्ीबार हेर्दाहेर्दैमा राखिएको थियो । काठमाडौं जिल्ला अदालतका न्यायाधीश शिशिरराज ढकालको इजलासमा जारी सुनुवाइको आज फैसला आउने सम्भावना रहेको बताइएको छ ।

बिहीबार वरिष्ठ अधिवक्ताहरू शम्भु थापा, कृष्ण सापकोटा, सबिता भण्डारी, रमण श्रेष्ठ तथा अधिवक्ताहरु मुरारी सापकोटा तथा रोशनी पौडेललगायतले बहस गरेका थिए । त्यसैगरी, बरिष्ठ अधिवक्ता रमणकुमार श्रेष्ठको बहस नसकिएकाले आज पनि उनकै बहसले निरन्तरता पाउने भएको छ ।

त्यससँगै आज अधिवक्ता रामेश्वर न्यौपाने र सरोजकृष्ण घिमिरेले बहस गर्नेछन् ।