काठमाडौं । बुढासुब्बा डिजिटल प्रालिले पशुपतिनाथ आर्यघाट क्षेत्रको बागमती नदी किनारमा हुने गङ्गा आरती र कोर क्षेत्रमा हुने दीप प्रज्वलनको भिडियो खिच्न नपाइने भनी प्रकाशित गरेको सूचनाप्रति पशुपति क्षेत्र विकास कोषले आपत्ति जनाएको छ ।
विकास कोष सञ्चालक परिषद्का कार्यकारी निर्देशक लक्ष्मी पुनले आज एक सूचना प्रकाशित गर्नु भई बुढासुब्बा डिजिटल प्रालीद्वारा प्रकाशित उक्त सूचनामा कोषको गम्भीर ध्यानाकर्षण भएको बताइन् ।
“बुढासुब्बा डिजिटल प्रालिले पशुपतिनाथ आर्यघाट क्षेत्रको बागमती नदी किनारमा हुने गङ्गा आरती र कोर क्षेत्रमा हुने दीप प्रज्वलनको भिडियो खिच्न सख्त मनाही छ । यहाँ खिचिएका भिडियो सामग्री फेसबुक, इन्स्टाग्राम, टिकटक तथा युट्युबमा व्यावसायिक प्रायोजनका लागि राखिएमा डिजिटल कपिराइट ऐनअन्तर्गत कारबाही हुने जानकारी गराउदछौँ भन्ने सूचनामा विकास कोषको गम्भीर ध्यानाकर्षण भएको र उक्त सूचनामा कोषको लोगो प्रयोग गरी कोषको नामसमेत राखी सूचना प्रकाशित भएकामा कोषको असहमति रहेको छ ।
उक्त सूचना प्रकाशितप्रति कोषको कुनै पनि संलग्नता नरहेको व्यहोरा यसै सूचनाद्वारा जानकारी गराउदछौँ”, कोषद्वारा प्रकाशित विज्ञप्तिमा भनिएको छ ।
यो खबर पढेर तपाईलाई कस्तो महसुस भयो ?
ताजा उपडेट
- यस्ताे छ बिहीबारको विदेशी मुद्राको विनिमय दर
- भोजपुरको सबैभन्दा होचो स्थानमा रहेको प्रसिद्ध धार्मिकस्थल माइबेनी
- पर्यटन बोर्ड सीईओ छनोट कार्य रोक्ने अन्तरिम आदेश निरन्तर
- महभिर झरना संरक्षण गरी दिगो पर्यटकीय गन्तव्य बनाउन पूर्वाधार विकास
- पर्यटक लोभ्याउने तिनजुरे मिल्के जलजलेको प्रकृति र सानो पाथीभरा मन्दिरको संस्कृति
- ‘न्यूयोर्क टाइम्स’ को सन् २०२४ मा घुम्नैपर्ने विश्वका २३ स्थानको सूचीमा मुस्ताङः कति पर्यटक पुगे ?
- मर्स्याङ्दी जलाशयमा वैशाख २ गतेदेखि मोटरबोट सञ्चालनमाः कति समय चढ्ने, कति लाग्छ शुल्क ?
- मातृभूमि जोगाउन ‘भृकुटी’ले दिएको सन्देश