धिरज नाथ र आरती विष्टको स्वरमा ‘अपि हिमालमा लेकमको सेरोफेरोः माया छ कि छैन मेरो’ बोलको गीत सार्वजनिक भएको छ ।

न्याउली भाका युट्युव च्यानलबाट सार्वजनिक गरिएको उक्त ‘डेउडा’ भाकाको गीतमा सुदूरपश्चिम प्रदेशको पर्यटकीय क्षेत्र दार्चुला जिल्लाका लेकम, मालिकार्जुन, चौपाटा, अपि हिमाल लगायतका पर्यटकीय स्थान समेटेर दृश्यांकन गरिएको छ ।
 

गीतमा स्वदेशमा गरिखाने वातावरण नभएको र दार्चुला दुर्गम भएकाले दालभातकै लागि परदेसिनुपरेको पीडा दाजु–बहिनीको माध्यमबाट प्रस्तुत गरिएका छ ।लिम्पियाधुरा–कालापानी क्षेत्रको नागरिक खाडी मुलुकमा गएर दास बन्नुपर्दा स्वाभिमानको नाकै काटिएको दर्दनाक पीडा प्रस्तुत गरिएको छ । 

वीरसिंह नाथको संगीत रहेको गीतमा सबिर कार्कीको संगीत संयोजन रहेको छ । रविन मगरले मिक्सिङ–मास्टरिङ गरेको उक्त्त गीतको रेकर्डिङ हुरी स्टुडियोमा गरिएको हो ।

धिरज नाथ, आरती विष्ट, सबिर कार्की, अर्जुन न्यौपाने, ठाकुर सुवेदी विश्वास फिचर्ड गीतमा कृष्ण महराको सिनेमाटोग्राफी रहेको छ । भिडियोको लागि तलको लिङ्कमा जानुहोस् । 

https://www.youtube.com/embed/ewI1wh6zBWs