काठमाडौँ । कवि एवम् गजलकार महेश दोस्ताजको शब्द रचनामा सजिएको गीत ‘यो पागल दुनियाँ’ सार्वजनिक भएको छ।

गीतमा नेपाल आइडल सिजन- २ बाट आफ्नो छुट्टै छवि बनाएका गायक रवि शर्माको स्वर रहेको छ। संगीत संयोजन पुश्कर खत्रीले गरेका छन् भने रेकर्डिङ रियाज प्रोडक्सन स्टुडियोमा भएको हो । मिक्सिङ तथा मास्टरिङ साजन शाहले गरेका हुन् ।

गीतको भिडियो निर्देशक विकाश प्रसाईले निर्देशन गरेका छन् । भिडियोमा ईश्वरी बराल र सञ्जय ढुंगानासहित कृष्ण घिमिरे, कुशल घिमिरे, यज्ञनिधि शर्मा, सुलभ शर्मा र सुनिल शर्माको अभिनय रहेको छ ।

सुमन गहतराजको सिनेमाटोग्राफी रहेको यस गीतमा सम्पादन र कथा संरचना प्रसाईंकै रहेको छ । रङ्ग संयोजनमा कल्पेश विश्वकर्माले कलात्मकता देखाएका छन् ।

निर्माणमा वर्षा सिंह ठकुरी, गोविन्द खड्का र बाबु कृष्ण प्रसाई निर्माताको रूपमा संलग्न छन् भने प्रविन आचार्य सहनिर्माता रहेका छन्।

https://youtu.be/BiCbGxXtB9E?list=RDBiCbGxXtB9E