काठमाडौं । सत्तारुढ दल राष्ट्रिय स्वतन्त्र पार्टी (रास्वपा)ले स्थानीय तहको निर्वाचनमा उम्मेदवारका लागि योग्यताको मापदण्ड निर्धारण गरेको छ । आइतबार पार्टी मुख्यालय बनस्थलीस्थितमा बसेको सचिवालय बैठकले स्थानीय तह निर्वाचनका लागि योग्य र क्षमतावान उम्मेदवार तयार पार्ने सैद्धान्तिक र नीतिगत आधार तयार पारेको हो । 

जसमा रास्वपाबाट स्थानीय तह निर्वाचनमा उम्मेदवार बन्न इच्छुक पार्टी सदस्यहरूले क्याण्डिडेट क्लब र लिडरसीप एकेडमीबाट उत्तीर्ण हुनुपर्ने बाध्यकारी बनाइएको छ । 

यसअघि क्याण्डिडेट क्लब र लिडरसीप एकेडमीलगायत उम्मेदवार छनोटको रूपरेखा तयार पार्न सहमहामन्त्री विपिनकुमार आचार्यको नेतृत्वमा गठित कार्यदल पार्टी सभापति रवि लामिछानेलाई मस्यौदा हस्तान्तरण गरेको छ ।