काठमाडौं । नेकपा एमाले)को केन्द्रीय सचिवालय समितिको बैठक आज पनि बस्ने भएको छ । शुक्रबारदेखि पार्टी अध्यक्ष केपी शर्मा ओली निवास गुण्डुमा जारी बैठक आज पनि निरन्तर चल्ने भएको हो । 

आजको लागि बैठक बिहान साढे ११ बजे बोलाइएको छ । यस पटकको बैठकमा अध्यक्ष ओली स्पष्ट अल्पमतमा परेका छन् । यसअघि उनको पक्षमा कट्टर रुपमा उभिँदै आएका शंकर पोखरेललगायतले पनि साथ छोडे पछि ओली अल्पमतमा परेका हुन् । सचिवालय बैठकमा अधिकांश पदाधिकारीहरुले ओलीको राजीनामा मागिरहेका छन् । 

राजीनमामाको चर्को दबाब परेपछि शनिबारको बैठकमा अध्यक्ष ओलीले नेतृत्व छोड्न अस्वीकार गरेका थिए । ओलीले आइतबारको बैठकमा सबै प्रश्नको जवाफ दिने बताएपछि बैठक स्थगित भएको थियो । आजको बैठकमा शेरधन राई, भानुभक्त ढकाल, राजन भट्टराई र खगराज अधिकारीले बोल्ने तालिका रहेको छ ।