तेहरान । इरानका सर्वोच्च नेता अयातोल्लाह अली खामेनीको अन्त्येष्टिका लागि राजधानी तेहरानमा ठूलो संख्यामा सर्वसाधारण भेला भएका छन् ।

बीबीसी फारसी सेवाका अनुसार अत्यधिक भीडका कारण तेहरानस्थित मोसल्ला मस्जिदको उत्तरी प्रवेशद्वारसमेत खोलिएको छ ।

इरानी अधिकारीहरूले इरान र इराकका विभिन्न सहरमा छ दिनसम्म सञ्चालन हुने अन्त्येष्टि कार्यक्रममा १ करोड ५० लाखदेखि २ करोडसम्म मानिस सहभागी हुने अपेक्षा गरेका छन् ।

यता, इराकी सञ्चारमाध्यमहरूले अन्त्येष्टिका अवसरमा बुधबार राजधानी बगदाद बन्द रहने जनाएका छन् ।

खामेनीको अन्त्येष्टि कार्यक्रम बिहीबार उनको गृहनगर मसहदमा सम्पन्न हुनेछ, जहाँ उनलाई अन्तिम बिदाइ गरिनेछ ।

गत फागुन १६ गते ९फेब्रुअरी २८० अमेरिका–इजरायलको संयुक्त हवाई आक्रमणमा खामेनी र उनका परिवारका सदस्यको मृत्यु भएको थियो ।