एजेन्सी । शुक्रबार रिलिज भएको रणवीर कपूरको बहुप्रतिक्षित फिल्म  ‘एनिमल’ रिलिज भएको २४ घण्टाभन्दा कम समयमै अनलाइन लिक भएको छ । 

ईटाइम्सको रिपोर्टका अनुसार ‘एनिमल’ रिलिज भएको केही घण्टामै फुल एचडी प्रिन्टमा अनलाइन लिक भएको हो ।

यो चलचित्र टोरेन्ट वेबसाइटहरूमा निशुल्क डाउनलोड गर्न उपलब्ध छ ।

फिल्मलाई नियमित फर्वार्डजस्तै व्हाट्सएपमा पनि सेयर गरिएको मनोरञ्जन पोर्टलको दाबी छ । यद्यपि एनिमल मात्र होइन, विक्की कौशलको सामबहादुर पनि रिलिज भएको केही घण्टामै अनलाइन लिक भएको छ ।

सन्दीप रेड्डी वांगाले निर्देशन गरेको फिल्म ‘एनिमल’ मा रणवीर र रश्मिका मन्दानाले मुख्य भूमिका निर्वाह गरेका छन् ।

यो फिल्ममा दुवैले पहिलो पटक स्क्रिन सेयर गरेका छन् । 

फिल्ममा बबी देओल, अनिल कपूर र तृप्ति डिमरी लगायतका कलाकारले महत्त्वपूर्ण भूमिका निर्वाह गरेका छन् ।

फिल्मको कथा बाबु र छोराबिचको विषाक्त सम्बन्धको वरिपरि घुमेको छ । यो चलचित्रले ओपनिङ दिनमै दर्शकको राम्रो प्रतिक्रिया पाएको छ ।