काठमाडौं । नेकपा (एमाले) का नेता तथा पूर्वअर्थमन्त्री विष्णु पौडेलविरुद्ध सम्पत्ति शुद्धीकरणको आरोपमा विशेष अदालतमा मुद्दा दायर गरिएको छ । अभियोगपत्रमा उनीसँग २० करोड ९० लाख रुपैयाँ बराबरको बिगो दाबी गरिएको छ ।

सम्पत्ति शुद्धीकरण अनुसन्धान विभागको अनुसन्धान प्रतिवेदनका आधारमा विशेष सरकारी वकिल कार्यालयले विशेष अदालतमा अभियोगपत्र दर्ता गरेको हो ।

अभियोग अनुसार पौडेलले व्यवसायी दीपक भट्टसँगको मिलेमतोमा आफ्नो पद र प्रभावको दुरुपयोग गर्दै आर्थिक लाभ लिने उद्देश्यले सहजीकरण गरेको आरोप लगाइएको छ । सो क्रममा श्रीराम टोवाको उद्योग प्रालिको उच्च मूल्यको सेयर न्यून मूल्यमा प्रतिवादी दीपक भट्टको कम्पनी हिमालयन एसेट म्यानेजमेन्ट प्रालिलाई हस्तान्तरण गराउन भूमिका खेलेको दाबी अभियोजन पक्षले गरेको छ ।

अब उक्त मुद्दामाथि विशेष अदालतमा कानुनी प्रक्रिया अघि बढ्नेछ ।