काठमाडौं । प्रभु क्यापिटलका हितग्राहीहरुले  रिसेन्ट एण्ड रिदम टुर्स एण्ड ट्राभल्समा छुट पाउने भएका छन् । 

प्रभु क्यापिटल र रिसेन्ट एण्ड रिदम टुर्स एण्ड ट्राभल्सबीच तीन वर्षको लागि भएको सम्झौता अनुसार प्रभुका हितग्राहीले छुट पाउने भएका हुन्  ।   प्रभु क्यापिटलमा डिम्याट (हितग्राही) खाता खोलेका ग्राहकले रिसेन्ट एण्ड रिदम टुर्स एण्ड ट्राभल्सले  दिने सेवामा आर्कषक छुट अफर पाउनेछन् ।

उक्त सम्झौतापत्रमा क्यापिटलको तर्फबाट प्रमुख कार्यकारी अधिकृत आशिष गौचन र रिसेन्ट एण्ड रिदम टुर्स एण्ड ट्राभल्सको तर्फबाट प्रबन्ध निर्देशक प्रकाश थापाले हस्ताक्षर गरे ।आन्तरिक माउन्टेन फ्लाइट बुकिङमा १५ प्रतिशत र विभिन्न अन्तर्राष्ट्रिय फ्लाइटमा १० प्रतिशत छुट पाउनेछन् ।

यो अफरबाट लाभ लिन प्रभु क्यापिटलका हितग्राही ग्राहकले प्रभु क्यापिटलमा डिम्याट खाता रहेको आधिकारिक प्रमाण प्रस्तुत गर्नुपर्नेछ । जसको आधारमा टुर्स एण्ड ट्राभल्सले ग्राहकलाई छुट दिनेछन् ।