काठमाडौं । मुक्तिनाथ विकास बैंक लिमिटेडले नाडा अटो शो २०२६ लाई लक्षित गर्दै ग्राहकका लागि विशेष अटो लोन योजना सार्वजनिक गरेको छ । यस योजनाअन्तर्गत बैंकले वार्षिक ५.५४ प्रतिशत ब्याजदरमा अटो लोन उपलब्ध गराउने जनाएको छ । 

बैंकका अनुसार उक्त कर्जा बेस रेटमा शून्य प्रतिशत थप विशेष ब्याजदरमा उपलब्ध हुनेछ । नाडा अटो शो २०२६ को अवसरमा ल्याइएको यो योजना भदौ मसान्त २०८३ सम्म लागू हुने बैंकले जनाएको छ । त्यसपछिको अवधिमा बैंकको प्रचलित सामान्य ब्याजदर लागू हुनेछ । 

ग्राहकको कर्जा आवेदन र आवश्यक सम्पूर्ण कागजात पूरा भएको अवस्थामा २४ घण्टाभित्र अटो लोन उपलब्ध गराउने व्यवस्था गरिएको बैंकले जनाएको छ । यसबाट ग्राहकलाई आफूले रोजेको सवारीसाधन खरिदका लागि सहज, छिटो र सरल कर्जा सुविधा प्राप्त हुने बैंकको विश्वास छ । 

विशेष अटो लोन सुविधा देशभर रहेका बैंकका १७६ वटै शाखामार्फत उपलब्ध हुनेछ । नाडा अटो शोमा सहभागी तथा नयाँ सवारीसाधन खरिद गर्न इच्छुक ग्राहकले यस योजनाबाट लाभ लिन सक्नेछन् ।