काठमाडौं । दही कपालका लागि एकदमै फाइदाजनक मानिन्छ । यसमा हुने प्रोबायोटिक गुणहरु जाडोमा कपाललाई स्वस्छ बनाउन सहयोग गर्छ । आउनुहोस् जानौं दहीबाट बनेका केही हेयर मास्कहरु जसलाई लगाउँदा चायाँको समस्या कम हुन्छ । चायाँ हटाउनका लागि तपाईं सिधै दहीलाई टाउको तथा कपालमा लगाउन सक्नुहुन्छ । दहीमा पाइने क्लीनिंग प्रोपटीले चायाँ हटाउन सहयोग गर्छ ।

दही र कागती
कागती र दही दुबै चायाँ हटाउनका लागि उपयोगी मानिन्छन् । यसलाई लगाउनका लागि केही चम्चा दहीमा दुई चम्चा कागतीको रस राखेर मिक्स गर्नुहोस् । अब यसलाई स्काल्प तथा कपालमा लगाउनुहोस् । यसले चायाँ कम गर्नुका साथै कपालमा चमक पनि दिन्छ ।

दही र एलोवेरा
दहीमा एलोवेरा मिसाएर लगाउँदा पनि चायाँ त कम हुन्छ नै साथमा कपाल मुलायम तथा चमकदार पनि बन्दछ ।

दही र मेथी दाना
मेथी दानालाई पनि कपालको समस्याका लागि रामवाण मानिन्छ । लगभग दुई चम्चा जति मेथी दानालाई भिजाएर पिस्नुहोस् र त्यसमा दही मिसाएर पेस्ट तयार पार्नुहोस् । उक्त पेस्टलाई आधा घण्टा कपालमा राखेर स्याम्पुले धुनुहोस् ।

दही र अन्डा
दही र अन्डा मिसाएर लगाउँदा पनि चायाँको समस्या कम गर्न सकिन्छ । दही र अन्डालाई एउटा कचौरामा राम्रोसँग मिसाएर उक्त मिश्रणलाई कपालको जरादेखि टुप्पासम्म लगाउनुहोस् र आधा घण्टा राखेर धुनुहोस् ।

दही र मह
कपाललाई चायाँमुक्त बनाउनका लागि तथा चमक बढाउनका लागि दहीमा मह मिसाएर हेयर मास्क बनाएर पनि लगाउन सकिन्छ । यो मिश्रणलाई लगाएर केहीबेर राख्नुहोस् र कपाललाई स्याम्पुले धुनुहोस् । एजेन्सी ।