काठमाडौं । ललितपुर, ललितपुर महानगरपालिका-९ बालकुमारी पुलस्थित सडकमा प्रदेश नम्बर ०२ (०३ (००१० ख ५३५७ नम्बरको ट्रकले बा.८३ प ८१७८ नम्बरको स्कुटरलाई सोमबार साँझ ठक्कर दिँदा स्कुटर चालक सिन्धुली तिनपाटन गाउँपालिका ४ घर भई भक्तपुर सुर्यबिनायक नगरपालिका-२ बालकोट बस्ने ३५ वर्षीय रमेश कुमार पाण्डेको मृत्यु भएको छ।

ठक्करबाट गम्भीर घाइते भएका उनको बिएण्डबि अस्पताल ग्वार्कोमा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।

त्यस्तै दाङ, शान्तिनगर गाउँपालिका-१ नयाँ बस्तीस्थित सडकमा खिलतपुरबाट अमुवातर्फ जाँदै गरेको रा.१ त २३१७ नम्बरको ट्याक्टर अनियन्त्रित भई सोमबार बेलुकी दुर्घटना हुँदा ट्याक्टरमा सवार शान्तिनगर गाउँपालिका-२ बस्ने ५१ वर्षीय धन बहादुर भण्डारीको मृत्यु भएको छ ।

दुर्घटनामा गम्भीर घाइते भएका उनको नर्सिङ होम नेपालगंज बाँकेमा उपचारको क्रममा मृत्यु भएको हो । साथै दुर्घटनामा घाइते भएका ट्याक्टरमा सवार १ जनाको सोही अस्पतालमा उपचार भइरहेको छ । हाल फरार ट्याक्टर चालकको प्रहरीले खोजी गरिरहेको छ ।
दुर्घटनाका सम्बन्धमा प्रहरीले थप अनुसन्धान गरिरहेको छ ।