काठमाडौं ।  बुटवल उपमहानगरपालिका-८ मिलनचोकस्थित डेल्टा एजुकेशनल मार्टको तेस्रो तलामा बिहीबार बेलुकी आगलागी भएको छ । क्षतिको विवरण हाल खुलेको छैन ।

कैलाली, धनगढी उपमहानगरपालिका-४ बसपार्कस्थित सोही उपमहानगरपालिका-१ बस्ने दिपेश खतिवडाको डिएस ट्रेडर्समा बिहीबार राति आगलागी भएको छ । क्षतिको विवरण हाल खुलेको छैन ।

काठमाडौं महानगरपालिका-२९ डिल्लीबजारस्थित गणेश पन्थीको डिएस कम्प्यूटर एण्ड इलेक्ट्रोनिक्स सप्लायर्स पसलमा विद्युत सर्ट भई गएराति आगलागी भएको छ । क्षतिको विवरण हाल खुलेको छैन ।

सप्तरी, अग्निसाइर कृष्णसवरण गाउँपालिका-६ रतवाला बस्ने तारमी प्रसाद जोशीको घरमा करेन्ट सर्ट भई शुक्रबार बिहान आगलागी हुँदा घर पूर्णरूपमा जलेर करिब ७ लाख रूपैयाँ बराबरको धनमाल नष्ट भएको छ ।

प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुको साथै यस सम्बन्धमा थप अनुसन्धान गरिरहेको छ ।