काठमाडौँ । श्रमजित किशोर मावि लुखुशी ललितपुरमा मावि तृतीय श्रेणीका बिज्ञान शिक्षक राजेन्द्र राज पौडेलले खेताला शिक्षक अशोक यादबलाई राखी बर्षौ देखि अबैध तवरले तलब खादै आएको रहस्य खुलाशा भएको छ ।

सो विद्यालयका एक निवर्तमान शिक्षकले शिक्षामन्त्री सुमना श्रेष्ठलाई हुलाकमार्फत कारवाहीको लागि पत्र पठाएको खुलासा गरेका छन । उनले मन्त्री श्रेष्ठलाई पत्रसंगै लुखुशी विद्यालयमा शिक्षक पौडेलले खेताला शिक्षक राखेको र पौडेलको विद्यालयको अध्यापन तालिकासमेत पठाएका छन ।

उनले मन्त्री श्रेष्ठलाई हुलाकमार्फत पत्र पठाएका छन् । पत्रमा किशोर मावि लुखुशी ललितपुरमा शिक्षक पौडेलले खेताला शिक्षक राखी वर्षौदेखि नियम विपरित कार्य गर्दै आएकाले उनलाई कारबाही गर्न माग गरेका छन ।

पौडेल एक विद्यालयको प्रधानाध्यापक हुँदा भ्रष्टाचारको आरोपमा कारवाही परेपछि श्रमजित किशोर मावि लुखुशी ललितपुरमा सरुवा भएका थिए । उनलाई ललितपुर उपमहानगर पालिकाका शिक्षा महाशाखा प्रमुख महेन्द्रबहादुर क्षेत्रीको संरक्षण रहेको जनाएको छ ।

खेताला शिक्षक राखेर तलव खाने शिक्षक पौडेल ललितपुर उपमहानगरका शिक्षा महाशाखा प्रमुख महेन्द्रबहादुर क्षेत्री निकट पात्र हुन् । महाशाखा प्रमुख क्षेत्रीले पौडेलमार्फत नै शिक्षक सरुवा र नियुक्तिमा अनियमित तवरले रकम उठाउने गरेका छन । यस विषयमा बिगतमा शिक्षा मन्त्रालयलागायत बिभिन्न निकायमा उजुरी पर्दासमेत प्रमुख क्षेत्रीले शिक्षक पौडेललाई बचाउदै आएका छन । त्यसैले मन्त्री श्रेष्ठलाई हुलाकमार्फत पत्र पठाउनु परेको उनले बताए ।