प्रतिनिधि सभाको सचिवमा सुरेश अधिकारी नियुक्त भएका छन्।

राष्ट्रपति रामचन्द्र पौडेलले उनलाई नियुक्त गरेका हुन्।

उनलाई संविधानको धारा १०६ उपधारा १ बमोजिम नियुक्त राष्ट्रपति कार्यालयले जनाएको छ।

सभामुख देवराज घिमिरेले पूर्वसचिव अधिकारीलाई प्रतिनिधि सभाको सचिव पदमा नियुक्तिका लागि राष्ट्रपति समक्ष सिफारिस गरेका थिए।

अधिकारी शिक्षा मन्त्रालयको सचिवबाट केही समयअघि मात्र रिटायर्ड भएका थिए। उमेर हदका कारण प्रतिनिधि सभाको सचिवका रूपमा अधिकारीले दुई वर्ष काम गर्नेछन्।

संखुवासभामा जन्मिएका अधिकारीले राजनीति शास्त्र र जनप्रशासनमा स्नातकोत्तर गरेका छन्।