काठमाडौं । फिफा विश्वकप २०२६ को आयोजक क्यानडा अन्तिम १६ बाटै बाहिरिएको छ । शनिबार राति सम्पन्न प्रि–क्वार्टरफाइनलमा मोरक्कोसँग ३–० गोलअन्तरले पराजित भएपछि क्यानडाको विश्वकप यात्रा टुंगिएको हो ।

पहिलो हाफ गोलरहित बराबरीमा सकिएको खेलमा मोरक्कोले दोस्रो हाफमा उत्कृष्ट प्रदर्शन गर्दै तीन गोल गरेको थियो । खेलको ५०औँ मिनेटमा अज्जेदिन औनाहीले गोल गर्दै टोलीलाई अग्रता दिलाएका थिए । त्यसपछि उनले नै ८२औँ मिनेटमा व्यक्तिगत दोस्रो गोल गर्दै मोरक्कोको अग्रता २–० बनाए ।

इन्जुरी समयको अन्त्यतिर सुफियान रहिमीले अर्को गोल थपेपछि मोरक्को ३–० को सहज जित निकाल्न सफल भयो ।

यस जितसँगै मोरक्को फिफा विश्वकप २०२६ को क्वार्टरफाइनल पुग्ने पहिलो टोली बनेको छ भने आयोजक क्यानडाको उपाधि यात्रा अन्तिम १६ मै समाप्त भएको छ ।