मुकाम डेस्क । पोखराको पर्यटन बसपार्क सञ्चालन र व्यवस्थापनको जिम्मा निजी कम्पनीले पाएको छ ।

उपत्यका नगर विकास समिति मातहत रहेको उक्त बसपार्क सञ्चालन गर्न समितिले टेन्डर निकालेको थियो ।

एवान कन्स्ट्रक्सनले १ वर्षका लागि ३७ लाख ३० हजारमा ठेक्का लिएको भए पनि सम्झौता हुन बाँकी छ ।

त्यहाँको पार्किङ ठेक्का मात्रै एवानले पाएको समितिका प्रशासकीय अधिकृत प्रमोदकुमार गुरुङले जानकारी दिए ।

यहाँ पर्यटक बसहरु मात्रै बास बस्छन् ।यस्तै, समितिले बसपार्कभित्र रहेका सटरहरु पनि निजी कम्पनीलाई दिएको छ । 

मासिक २ लाख २४ हजार भाडा पाउने गरी ठेक्का दिइएको हो ।

प्रत्येक सटरको १६ हजार ५ सय देखि ४३ हजार १ सयसम्म भाडा लिने गरिएको छ । सटरको व्यवस्थापनको सम्झौता भने यसअघि नै भैसकेको छ ।