हरिकृष्ण ऐडी

नाग्म – गमगढी लोकमार्ग अन्र्तगत मुगुको घुच्चिलेखमा रहेको सिप्टिचौरमा पछिल्लो समयमा आन्तरिक पर्यटकको रोजाइमा पर्न थालेको छ । प्राकृतिक सौन्दर्यले भरिपूर्ण मानिएको सिप्टिचौरमा प्रत्यक्ष रूपमा देख्न पाइने विभिन्न वनस्पति, पर्यटक चराका साथै पशुपन्क्षीले यहाँ आउने पर्यटकलाई लोभ्याउने गरेका छन् । 

डाबरानीखाडा सामुदायिक वन उपभोक्ता समिमिका तत्कालीन अध्यक्ष श्याम बहादुर मल्लका अनुसार यहाँ विशेषगरी चिसो शुद्द पानी, स्वच्छ हावा र मनोरम दृश्य भएकाले आन्तरिक पर्यटकको रोजाइमा पर्न थालेको हो ।क

रिब ६५ विघा क्षेत्रफल ओगटेको छ यहाँ पाइने वनस्पति, पशुपन्छीको संरक्षणमा उपभोक्ता समिति लागिरहेको उनले बताउछन । यस क्षेत्रलाई थप आकर्षक बनाउन चौरमा फूलबारी, विश्रामस्थल, वनभोजस्थल निर्माण गर्नलाई रारा राष्ट्रिय निकुञ्ज कार्यालयसँग समन्वय भैरहेको उनले बताए । 

पछिल्लो समय रारा पुग्ने पर्यटकहरुको रोजाईमा परेको यो सिप्टिचौर पाटनमा विभिन्न व्यक्ति कार्यालय तथा संघ सस्थाहरुले उत्सव मनाउने, कार्यक्रम आयोजना गर्ने यस क्षेत्रमा गर्दै आएका छन् ।

यो पाटनबाट सवारीसाधन भएर रारा ताल पुग्न १ घण्टा मात्र लाग्ने भएकाले पर्यटकहरु अघिल्लो रात बुलबुलेमा रहेका होटेलमा बास बसी विहान १/२ घण्टा सिप्टीचौरमा रमाउने त्यसपछि रारा पुग्ने गरेको छायाँनाथ रारा नगरपालिका वडा नं ७ का तत्कालीन वडा अध्यक्ष एैटन बहादुर शाहीले बताउछन  ।

                                                                  स्रोत : गोरखापत्र अनलाइन