सन नेपाल लाइफ इन्स्योरेन्सले आइसीसी २०२४ एसिया बीमा कार्यक्रममा संलग्न बीमा कम्पनीहरूमध्ये उत्कृष्टताको आधारमा तीन प्रतिष्ठित अन्तर्राष्ट्रिय पुरस्कारहरू सफलतापूर्वक जितेको छ। 

कम्पनीले ‘उत्कृष्ट जोखिम व्यवस्थापन रणनीति,’ ‘बीमामा महिला नेतृत्व,’ र ‘उत्कृष्ट ग्राहक मैत्री जीवन बीमा सेवा’ जस्ता क्षेत्रमा उच्च सम्मान प्राप्त गरेर आफ्नो व्यावसायिक उत्कृष्टताको लागि प्रमाणित भएको छ । उक्त पुरस्कार एक विशेष कार्यक्रमका बीच कम्पनीका प्रमुख कार्यकारी अधिकृत राजकुमार अर्यालले ग्रहण गरे ।

यो प्रतिष्ठित उपलब्धिले नवीन रणनीति, समावेशी नेतृत्व र ग्राहक केन्द्रित सेवामा उच्चतम मापदण्डहरू स्थापित गर्ने कम्पनीको प्रतिबद्धतालाई प्रमाणित गर्दछ।

यसले नेपाललाई बीमा क्षेत्रमा अन्तर्राष्ट्रिय मान्यता दिनेछ र ग्राहकहरूको विश्वासलाई बलियो बनाउन पनि प्रेरित गर्नेछ। यसका साथै, सन नेपाल लाइफ स्टाइलले देशभरका १३९ शाखा र उप शाखा कार्यालयहरू मार्फत जीवन बीमा सेवाहरू प्रदान गरेर आफ्ना ग्राहकहरूको वित्तीय सुरक्षामा निरन्तर समर्पित छ ।