काठमाडौं । प्रधानमन्त्री बालेन्द्र साहले विद्यार्थीले राजनीति गुरुबाट सिक्नु पर्ने बताएका छन् । मंगलबार सामाजिक सञ्जालमा एक स्टाटस लेख्दै साहले यस्तो बताएका हुन् । 

विद्यालय तथा विश्वविद्यालयबाट विद्यार्थी संगठन हटाउने तथा कर्मचारको ट्रेड युनियन खारेज गर्ने सरकारको निर्णयको बचाउ गर्दै प्रधानमन्त्री साहले सामाजिक सञ्जालमार्फ आफ्नो प्रतिक्रिया दिएका छन् । 

‘हाम्रो प्रयास यति मात्र हो, विद्यार्थीले राजनीति सिक्दा गुरुबाट सिकून्, नेताको भिडबाट होइन । कर्मचारीले विधि खोजून्, नेताको छहारी होइन, हामी चाहन्छौँ विद्यार्थीले राजनीति सिकून् तर सभ्यता, विचार र जिम्मेवारीको राजनीति, कर्मचारीले जनताको सेवा सिकून्, कुनै दलको होइन ।’–साहले लेखेका छन् । 

यो प्रणाली बचाउने, भविष्य बचाउने, देशलाई दलगत कब्जाबाट निकालेर संस्थागत मार्गमा ल्याउने, शिक्षालय र कर्मचारीतन्त्रलाई दलगत संक्रमणबाट मुक्त गर्ने प्रयास भएको उनको भनाइ छ । ‘त्यसैले तपाइहरूकै चाहनाअनुरूप अध्यादेशमार्फत यी विकृतिहरू हटाएका छौँ’, उनले लेखेका छन् ।