ट्रेन्डिङ
खबरमुकाम
काठमाडौं । संखुवासभामा अविरल वर्षापछि आएको बाढी र पहिरोमा परेर २१८ वटा भेडाहरु बेपत्ता भएका छन् । जिल्लाको मकालु गाउँपालिका–५, माङ्सिमास्थित फोक्टेमा पहिरोले भेडीगोठ पुरिँदा २०० बढी भेडा बेपत्ता भएका हुन् ।
आज बिहान खसेको पहिरोले मकालु–५ का स्थानीय दलबहादुर गुरुङको भेडीगोठ बगाउँदा २१८ भेडा पुरिएर बेपत्ता भएका जानकारी जिल्ला प्रहरी कार्यालयले दिएको छ । स्थानीय दलबहादुरका २५० भेडामध्ये पहिरोमा २१८ पुरिएर बेपत्ता भएका थिए ।
वर्षापछि फोक्टे क्षेत्रमा पहिरो खस्दा पुरिएका ३२ भेडा मात्र जीवित अवस्थामा फेला परेका छन् । भेडा गोठालाको काम गर्दै आएका स्थानीय २० वर्षीय झलक गुरुङ बाढीमा परेर घाइते भएका छन् । उनका हातखुट्टामा चोट लागेको प्रहरीले जनाएको छ । अर्का गोठाला ३० वर्षीय कमल गुरुङ भने सकुशल छन् ।
घटनास्थल नुम प्रहरी चौकीबाट करिब ४० किलोमिटर टाढा र लगभग १० घण्टा पैदल दूरीमा पर्छ । प्रहरी टोली र स्थानीयवासी उद्धार तथा खोजीकार्यका निम्ति घटनास्थलतर्फ गएका छन् । घटनास्थल दुर्गम क्षेत्रमा पर्ने भएकाले उद्धार तथा खोजीकार्यमा कठिनाइ भएको प्रहरीले जनाएको छ ।
यो खबर पढेर तपाईलाई कस्तो महसुस भयो ?
ताजा उपडेट
- गाउँबाट धामसम्मको यात्राः जगतगुरु शिवशक्ति बाबाले बदलेको जातेको धार्मिक पहिचान
- नारायणी र रिउ खोलामा जलसतह खतराभन्दा माथि, तटीय क्षेत्रमा उच्च जोखिम
- पाल्पामा पहिरोमा परी दुई जनाको मृत्यु, तीन बेपत्ता
- आजदेखि सुरु भयो सोह्र श्राद्ध, पितृ पक्षमा गरिन्छ तर्पण र पिण्डदान
- पूर्वप्रधानन्यायाधीश चोलेन्द्रशमशेर जबरा पक्राउ
- हिमालयन एभरेस्ट इन्स्योरेन्स बन्यो दोस्रो नेपाल इन्स्योरेन्स फुटसल कपको च्याम्पियन
- एभरेस्ट बैंकको धनगढीमा नयाँ भवनसहित १३४औँ शाखा सञ्चालन
- हुथी विद्रोहीको सैन्य अभियान तीव्र, बाब अल–मन्देब क्षेत्रमा बढ्यो तनाव
