काठमाडौं । पूर्वप्रधानन्यायाधीश चोलेन्द्रशमशेर जबरा पक्राउ परेका छन् । उनलाई आइतबार बिहान काठमाडौंको महाराजगञ्जस्थित निवासबाटै पक्राउ गरिएको हो । 
 
काठमाडौं उपत्यका अपराध अनुसन्धान कार्यालय, टेकुको टोलीले जबरालाई पक्राउ गरेको जनाइएको छ । पक्राउको कारण भने प्रहरीले औपचारिक रूपमा खुलाएको छैन । 

उपलब्ध विवरणअनुसार जबरालाई पक्राउपछि काठमाडौंकै एक प्रहरी कार्यालयमा राखिएको बताइएको छ । उनी अपराध अनुसन्धान कार्यालय टेकुको हिरासतमा भने नरहेको बताइएको छ । 

यसअघि भदौ २४ गते सर्वोच्च अदालतको संवैधानिक इजलासले जबराविरुद्ध दायर रिट खारेज गरेको थियो । उक्त फैसलापछि उनको पेन्सन तथा पूर्वप्रधानन्यायाधीशका रूपमा पाउने सेवा–सुविधाको बाटो खुलेको थियो ।