काठमाडौं । परराष्ट्र मन्त्रालयका सहसचिव पुष्पराज भट्टराई पक्राउ परेका छन् । उनलाई केन्द्रीय अनुसन्धान ब्युरो (सीआईबी)ले सोमबार सिंहदरबारस्थित मन्त्रालय परिसरबाट नियन्त्रणमा लिएको हो ।

सीआईबीका अनुसार भट्टराईमाथि तिब्बती शरणार्थीका नाममा गैरकानुनी रूपमा ट्राभल डकुमेन्ट जारी गरेको आरोप लागेको छ । यही प्रकरणमा उनीविरुद्ध गत सोमबार नै मुद्दा दर्ता गरिएको थियो ।

सीआईबीले उनलाई सोमबार नै काठमाडौं जिल्ला अदालतमा उपस्थित गराएर कानुनी प्रक्रिया अघि बढाउने तयारी गरेको जनाएको छ ।

सीआईबीका प्रवक्ता अनुपमशमशेर जबरा का अनुसार भट्टराईले २०६८ सालमा उक्त ट्राभल डकुमेन्ट जारी गरेको प्रारम्भिक अनुसन्धानबाट खुलेको छ । प्रहरीले घटनाबारे थप अनुसन्धान जारी रहेको जनाएको छ ।