हेटौँडा । बागमती प्रदेश सरकारको आर्थिक वर्ष २०८३/८४ को बजेट पारित गराउन नेपाली कांग्रेसले आफ्ना सबै प्रदेश सभा सदस्यलाई ह्विप जारी गरेको छ ।

शनिबार कांग्रेसका महामन्त्री गुरुराज घिमिरेको उपस्थितिमा बसेको बागमती प्रदेश संसदीय दलको बैठकले बजेट पार्टीको नीति, प्राथमिकता र बजेट निर्माण सहजीकरण कार्यदलका सुझावअनुसार तयार भएको निष्कर्ष निकाल्दै प्रदेश सभा सदस्यलाई अनिवार्य उपस्थित हुन निर्देशन दिएको हो ।

बजेट निर्माण प्रक्रिया र योजना बाँडफाँटलाई लिएर मुख्यमन्त्री इन्द्रबहादुर बानियाँ पक्ष र पूर्वमुख्यमन्त्री बहादुरसिंह लामा निकट सांसदबीच देखिएको असन्तुष्टिपछि केही सांसदले बैठकसमेत बहिष्कार गरेका थिए ।

शनिबारको निर्णयसँगै प्रदेश सभामा बजेट पारित हुने बाटो खुलेको कांग्रेसको विश्वास छ ।