भक्तपुर । मेडिकल व्यवसायी दुर्गा प्रसाईं लाई प्रहरीले पक्राउ गरी हिरासतमा राखेको छ । प्रसाईंले आइतबार पत्रकार सम्मेलनमार्फत आन्दोलनको घोषणा गरेको केही घण्टापछि राति करिब १० बजे प्रहरी टोली भक्तपुरस्थित निकोसेरामा रहेको उनको निवास पुगेको थियो।  

त्यसपछि उनलाई नियन्त्रणमा लिइएको प्रहरीले जनाएको छ । भक्तपुर प्रहरी प्रमुख सूर्य खड्का का अनुसार प्रसाईंलाई सार्वजनिक शान्ति तथा सुरक्षा सम्बन्धी कसुरमा पक्राउ गरिएको हो ।

प्रहरीले आज अदालतबाट म्याद थप गरी घटनाबारे थप अनुसन्धान अघि बढाइने जनाएको छ । यसअघि पनि सार्वजनिक शान्ति सुरक्षासम्बन्धी विभिन्न आरोपमा प्रसाईं पटक–पटक पक्राउ परेर कानुनी प्रक्रिया पूरा गरेपछि रिहा हुँदै आएका छन् ।