काठमाडौं । राष्ट्रिय सभाको सोमबारको बैठक विभिन्न वार्षिक तथा अध्ययन प्रतिवेदन प्रस्तुत गर्दै आगामी साउन २१ गते बिहीबार दिउँसो १ः१५ बजे बस्ने गरी स्थगित गरिएको छ । राष्ट्रिय सभा अध्यक्ष नारायणप्रसाद दाहालले अर्को बैठक साउन २१ गते बस्ने गरी स्थगित गरेका हुन् । 

बैठकमा प्रधानमन्त्री बालेन्द्र शा का तर्फबाट कानुन, न्याय तथा संसदीय मामिलामन्त्री सोबिता गौतमले आर्थिक वर्ष २०८०/८१ र २०८१/८२ का मधेसी आयोगका वार्षिक प्रतिवेदन सभासमक्ष प्रस्तुत गरिन् ।

त्यसैगरी, विकास, आर्थिक मामिला तथा सुशासन समितिका सभापति कृष्णप्रसाद पौडेल ले ‘मधेस प्रदेशमा खानेपानी, सरसफाइ तथा जलस्रोत व्यवस्थापन सम्बन्धी अध्ययन प्रतिवेदन, २०८३’ राष्ट्रिय सभामा पेश गरेका छन् ।