काठमाडौं । नेपाली कांग्रेसको संस्थापन इतर समूहले प्रदेशदेखि क्षेत्रीय सभापतिसम्मका नेताहरूलाई राष्ट्रिय भेलामा सहभागी हुन परिपत्र गरेको छ ।

राष्ट्रिय भेला आयोजक समितिका संयोजक डा. शशांक कोइरालाले महाधिवेशन प्रतिनिधि, पूर्वकेन्द्रीय पदाधिकारी तथा सदस्य, पूर्वमन्त्री तथा सांसद, प्रदेशसभा क्षेत्रीय सभापति तथा महानगर, नगरपालिका र गाउँपालिका कार्यसमितिका सभापतिलाई भेलामा सहभागी हुन आग्रह गरेका हुन् ।

इतर पक्षले साउन २९ देखि ३१ गतेसम्म काठमाडौंमा राष्ट्रिय भेला आयोजना गर्दैछ । भेलामा मुलुकको वर्तमान राजनीतिक अवस्था, लोकतन्त्र, राष्ट्रिय स्वाधीनता तथा सार्वभौमिकतामाथिका चुनौती र कांग्रेसभित्र देखिएको विवादलगायत विषयमा छलफल हुने जनाइएको छ ।

सभापति गगन थापा नेतृत्वको कार्यसमितिलाई अस्वीकार गर्दै पूर्वसभापति शेरबहादुर देउवा समूहले राष्ट्रिय भेला आयोजना गरेको बताइएको छ । भेलालाई पूर्वसभापति देउवाले समेत सम्बोधन गर्ने तयारी रहेको छ ।