काठमाडौँ । नेपाली कांग्रेसका सभापति शेरबहादुर देउवाले गणतन्त्रको विरोध गर्नुको अर्थ नभएको बताएका छन् ।

भरतपुर विमानस्थलमा सोमबार पत्रकारहरूसँग कुराकानी गर्दै सभापति देउवाले भने,  ‘गणतन्त्रको विरोध गर्नुको अर्थ छैन, बदलिने कुरा छैन ।’ 

पछिल्लो समय गणतन्त्रविरुद्ध भइरहेको प्रदर्शनप्रति देउवा मौन थिए । देउवाको मौनता प्रश्न उठ्न थालेपछि सोमबार देउवाले अहिलेको व्यवस्थाको विकल्प खोज्ने बेला नभएको पनि बताए । 

गणतन्त्र विरोधी गतिविधिबाट राजनीतिक दलहरु अत्तालिएका हुन् भन्ने प्रश्नमा सभापतिले देउवाले भने, ‘को अत्तालियो ? हामी अत्तालिएका छैनौं।’