काठमाडौं । सञ्चारमन्त्री रेखा शर्माले सामाजिक सञ्जाल नियमन गर्न कानून बनाइसकेको बताएकी छन् ।

माओवादी केन्द्रले सुरू गरेको पार्टीको वेबसाइट उद्घाटन कार्यक्रममा उनले पारिवारिक संरचना र सामाजिक सद्भावमा समस्या आएपछि टिकटक बन्द गरेको बताइन् ।

मन्त्री शर्माले भनिन्, ‘सूचना र प्रविधिको हामीले अहिले जुन ढंगले सकारात्मक पक्षहरुको चर्चा गरिरहेका छौं, यहाँ केही नकारात्मक पक्षहरु पनि छन् । नेपाली समाज, हाम्रो समाजिक सद्भाव रपारिवारिक संरचनालाई कस्तो खालको असर पारिरहेको छ भन्ने चुनौती पनि हाम्रोसामु छ । भर्खरैमात्र मन्त्रिपरिषद्को बैठकबाट सामाजिक सञ्जाल, जसले हाम्रो पारिवारिक संरचना र सामाजिक सद्भावमा समस्याको रुपमा पैदा भएको थियो टिकटकको माध्यमबाट । हामीले त्यसलाई रोक्ने निर्णय गरेका छौं । अरु सामाजिक सञ्जाल पनि नियमन गर्न कानून बनाइसकेका छौं । निर्देशिका जारी भइरहेको छ ।’

सरकारले मात्रै नभएर पार्टीले पनि सूचना र प्रविधिको क्षेत्रलाई सही ढंगले प्रयोगमा अघि बढाएको उनले बताइन् ।