काठमाडौँ । निर्देशक दीपेन्द्र लामाले अभिनेता दयाहाङ राई नयाँ फिल्म ‘दुखी आत्मा’ बनाउने भएका छन् ।

निर्देशक लामाले सामाजिक सञ्जालमार्फत हाल फिल्मको पटकथा लेखन भइरहेको जानकारी दिएका हुन् । 

क्लकवर्क क्रियसन्स प्रालिले बनाउन लागेको फिल्ममा अभिनेता दयाहाङ राई अनुबन्धित भइसकेका छन् भने बाँकी कलाकार र प्राविधिकबारे केही समयपछि जानकारी दिने बताइएको छ । 

यस फिल्ममा हिमाल कडरिया निर्माता रहनेछन् । कडरिया यसअघि लामाले निर्देशन गरेको फिल्म ‘नांगो गाउँ’ का निर्माता समेत हुन् । फिल्मलाई आरआर फिल्म्सले वितरण गर्नेछ ।  

निर्देशक दीपेन्द्र र दयाहाङको यो चोथौ सहकार्य हो । उनीहरूले ‘घामपानी’, ‘दुई नम्बरी’ र ‘नांगो गाउँ’ मा सहकार्य गरेका थिए ।