काठमाडौं । नेपाली चलचित्रका महानायक राजेश हमालले एक समर्पित प्रशंसकको रुपमा होटल हिमालयमा पुगेर काठमाडौं रेजर्स फुटबल टोलीसँग भेटघाट गरी आगामी चुनौतिहरुको सामना गर्नका लागि खेलाडीहरुलाई उत्प्रेरित गरेका छन् । 

टिम भेटघाटमा राजेश हमालको उपस्थितिले स्टारडमको स्पर्श मात्र थपेन बरू काठमाडौं रेजर्सको लागि उनको तर्फबाट वास्तविक जोश र समर्थन पनि प्रदान गरेको थियो । भ्रमण केवल एक सेलिब्रेटीको उपस्थिति भन्दा बढी खेलाडीहरूसँग परिचित हुने, उनीहरूका आकांक्षा बुझ्ने र खेलकुद मार्फत् नयाँ उचाइहरू प्राप्त गर्न उनीहरुलाई उत्प्रेरित गर्ने जीवन्त प्रयास थियो । राजेश हमालका प्रेरणादायी शब्दहरू टोलीमा प्रतिध्वनित भएको थियो जहाँ उनले समर्पण, सामुहिकता र चुनौतीहरूको सामना गर्नका लचिलो हुनुपर्ने कुरामा जोड दिएका थिए ।

“काठमाडौं रेजर्सको प्रशंसकको रूपमा यहाँ आउन पाउँदा म रोमाञ्चित छु । काठमाडौं रेजर्सले हाम्रो काठमाडौंको भावना र उर्जाको प्रतिनिधित्व गर्दछ । मैदानमा तपाईंको प्रयासले सबै फुटबल उत्साहीहरूलाई प्रेरणा दिन्छ। आफ्ना सीमाहरूलाई फराकिलो बनाउँदै लैजानुहोस् र खेलकुदको माध्यमबाट जनजीवनमा तपाईंले पार्न सक्ने प्रभावलाई कहिल्यै कम नठान्नुहोस् ।” भेटघाटका क्रममा राजेश हमालले भने ।

सिनेमा र खेलकुदको संयोजन एक शक्तिशाली ऊर्जा हो र राजेश हमालको भ्रमणले यी दुई क्षेत्रहरूबीच पुलको काम गरेको छ । खेलकुदको सांस्कृतिक महत्व र मानिसहरूलाई एकताबद्ध गर्ने क्षमतालाई आत्मसात गर्दै महानायकले फुटबलको परिवर्तनकारी शक्तिमाथि आफ्नो विश्वास व्यक्त गरे। उनले यो खेलमात्र नभई सम्पूर्ण फुटबलप्रेमीका लागि गौरवको स्रोत भएको समेत बताए ।

काठमाडौं रेजर्स टोली, व्यवस्थापन र प्रशिक्षक स्टाफले महानायकको अचानकको भ्रमणका लागि कृतज्ञता व्यक्त गरे । काठमाडौं रेजर्सले आफ्नो आगामी चुनौतिहरूको सामना गर्दैगर्दा राजेश हमालका प्रेरक शब्दहरूको प्रतिध्वनि निस्सन्देह मैदानमा गुन्जिनेछ जसले टोलीलाई नेपाल सुपर लिग र त्यसपछिको उत्कृष्टता हासिल गर्न थप प्रेरित गर्नेछ ।