चितवन । चितवनको भरतपुर महानगरपालिका-१२ मिलन चोकस्थित पूर्व-पश्चिम राजमार्गको कल्भर्टमुनि बोराभित्र बाँधिएको अवस्थामा फेला परेका दुई मृतकको पहिचान खुलेको छ । घटनाको ४६ दिनपछि शवको पहिचान भएको हो ।

उनीहरु भारत भई भरतपुरमा व्यापार गरी बस्दै आएका दम्पती रहेको खुलेको छ । उनीहरुको हत्या भएको र हत्यारा पनि भारतीय नै रहेको प्रहरीले बताएको छ ।

बोराभित्र बाँधिएको अवस्थामा गत मंसिर ६ गते एक पुरुष र महिलाको शव फेला परेको थियो । घटनापछि सिआइबी, प्रदेश प्रहरी र चितवन प्रहरीको संयुक्त प्रयासमा अनुसन्धान भएको थियो । प्रहरीले शव पहिचानका लागि दुई पटक स्केच सार्वजनिक गरेको थियो ।