ललितपुरमा मृत फेला परिन् जर्मन महिला

खबरमुकाम
२०८० माघ १५ सोमबार

काठमाडौं । आज सोमबार ललितपुरमा एक जर्मन नागरिक मृत फेला परेकी छन् । ललितपुरकै मंगलबजारस्थित कनिबहालमा बस्दै आएकी जर्मन नागरिक एडिइलएचइडी मृत फेला परेकी प्रहरीले जानकारी दिएको छ ।

ललितपुर प्रहरीका अनुसार राजभाइ बज्राचार्यको ग्रीनतारा हेरिटेज होम एन्ड अपार्टमेन्टमा उनी मृत अवस्थामा फेला परेकी हुन् । उनी दुई वर्षदेखि सो हेरिटेजमा बस्दै आएको खुलेको छ । उनको टाउकामा चोट देखिएको छ ।

टाउकामा चोट देखिएपछि अनुसन्धानका निम्ति प्रहरीले ‘फरेन्सिक’ टोलीलाई समेत बोलाएको छ । टोली घटनास्थलमा पुगेको छ । शव अझै उठाइएको छैन । घटनास्थल ‘सिल’ गरेर प्रहरीले अनुसन्धान गरिरहेको छ ।