काठमाडौं । सभामुख डोलप्रसाद अर्याल र ६ राष्ट्रिय राजनीतिक दलका प्रमुख सचेतकहरुबीच छलफल भएको छ । प्रतिनिधिसभामा प्रतिनिधित्व गर्ने राष्ट्रिय स्वतन्त्र पार्टी, नेपाली कांग्रेस, नेकपा (एमाले), नेपाली कम्युनिष्ट पार्टी, श्रम संस्कृति पार्टी र राष्ट्रिय प्रजातन्त्र पार्टीका प्रमुख सचेतकहरुसँग सभामुख अर्यालको छलफल भएको हो । 

आगामी जेठ १५ मा सरकारले संसदमा बजेट प्रस्तुत गर्नैैपर्छ । ढिलो गरे पनि त्योभन्दा केही दिन अगाडि संसद अधिवेशन सुरु गर्नुपर्ने हुन्छ । यसैलाई मध्यनजर गरी सभामुखले अग्रसरता बढाएका हुन् । 

प्रमुख सचेतकहरुसँग संसद अधिवेशन प्रक्रिया र बैठक सञ्चालन हुँदा सांसदको भूमिकासहितका विषयमा छलफल भएको सभामुखको सचिवालयले जनाएको छ ।